A Love-Lorn Lyric
Kah Du Tumko, Dil Mein Hai Kya, Jaane Kaise Machhi Yeh Halchal Hai,
Roku Issko, Roka Kitna, Haye Pagal Yeh Mera Dil Hai,
Yeh Jaana Hai Maine,
Abb Issko Bataun, Dheere Se Samjhaun,
Tera Mera Milna Mushkil Hai;
Tu Hai Khada Jis Mod Par,
Uss Raah Par Kadam Rukte Hai,
Har Waqt, Har Jagah
Tujhko Talashane, Naina Ye Mere Adte Hai,
Haari Main Haari Isske Aage
Kambakkht, Kitna Jiddi Yeh Dil Hai;
Kah Du……!
Har Sapne Ke Panne Par,
Bas Tu Hi Likha Hai, Tu Hi Bassa Hai,
Tu Mile Yaa Naa Mile,
Naa Tujhse Koi Gilaa, Naa Hi Shikwa Hai,
Meri Yaadon Ke Dariyaan Mein,
Tu Kahin Naa Kahin Shamil Hai;
Kah Du……!
No comments:
Post a Comment